ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ជំនួបផ្លូវការលើកដំបូងបង្អស់នៃមន្រ្តីជាន់ខ្ពស់អាមេរិក និងក្រុមមន្រ្តីតាលីបង់

  • ចុះផ្សាយថ្ងៃទី១១ ខែតុលា ឆ្នាំ២០២១ ម៉ោង ១០:៤៣ នាទី ដោយ Mesa
  • 3560
  Aa |   aA

អន្តរជាតិ៖ ភាគីសហរដ្ឋអាមេរិក នៅថ្ងៃទី១០ ខែតុលាម្សិលមិញនេះបាននិយាយនៅក្រោយជំនួបផ្លូវការផ្ទាល់ទល់មុខគ្នាជាមួយក្រុមតាលីបង់ថា ជំនួបពិភាក្សារវាងភាគីទាំងពីរគឺប្រកបដោយភាពស្មោះត្រង់ និងវិជ្ជាជីវៈរៀងខ្លួន។ គួរបញ្ជាក់ថា ក្រុមមន្រ្តីជាន់ខ្ពស់នៃសហរដ្ឋអាមេរិក និងក្រុមតាលីបង់ដែលកំពុងកាន់កាប់រដ្ឋាភិបាលអាហ្វហ្គានីស្ថាន បានជួបពិភាក្សាផ្ទាល់នាទីក្រុងដូហា ប្រទេសកាតា ដែលនេះជាជំនួបផ្លូវការលើកទី១ ក្រោយពីការដកទ័ពរបស់សហរដ្ឋអាមេរិក និងក្រោយការចូលកាន់កាប់រដ្ឋាភិបាលពីសំណាក់ក្រុមសកម្មប្រយុទ្ធនេះ។ ក្នុងនោះផងដែរ ភាគីសហរដ្ឋអាមេរិកបានដាស់តឿន និងរំលឹកទៅកាន់រដ្ឋាភិបាលតាលីបង់ថា សកម្មភាព និងការដឹកនាំផ្ទាល់របស់រដ្ឋាភិបាលនឹងជាអ្វីដែលគេយកមកវិនិច្ឆ័យ មិនមែនត្រឹមតែសំដី និងការសន្យាមួយមុខឡើយ។ 

សេចក្តីថ្លែងការណ៍របស់ក្រសួងការបរទេសបានបញ្ជាក់ថា គណៈប្រតិភូអាមេរិកនៅក្នុងកិច្ចចរចានៅទីក្រុងដូហា ប្រទេសកាតាចុងសប្តាហ៍នេះ នឹងផ្តោតសំខាន់ទៅលើបញ្ហាកត្តាសន្តិសុខ បញ្ហាគ្រប់គ្រងភេរវកម្ម និងការធ្វើដំណើរប្រកបដោយសុវត្ថិភាពសម្រាប់ពលរដ្ឋអាមេរិក ជនបរទេសនិងជនជាតិអាហ្វហ្គានីស្ថានដទៃទៀត។​ មិនត្រឹមតែប៉ុណ្ណោះសហរដ្ឋអាមេរិក ក៏៏បានជជែកទៅលើបញ្ហានៃការគ្រប់គ្រងសិទ្ធិមនុស្ស ជាពិសេសទៅលើការផ្តល់អាទិភាពសំខាន់ដល់ស្រ្តី និងយុវតីក្នុងការចូលរួមសកម្មភាពនានាក្នុងសង្គម។

កាលពីថ្ងៃសៅរ៍សប្តាហ៍មុន រដ្ឋមន្ត្រីការបរទេសស្តីទីអាហ្វហ្គានីស្ថានបានប្រាប់ទៅកាន់សារព័ត៌មានថា តំណាងភាគីតាលីបង់បានស្នើសុំសហរដ្ឋអាមេរិកក្នុងកិច្ចពិភាក្សានោះ ដើម្បីលុបចោលបំរាមបំរុងទុករបស់ធនាគារកណ្តាលអាហ្វហ្គានីស្ថាន។ ដោយឡែក មន្រ្តីនៃរដ្ឋបាលរបស់លោក ចូ បៃដិន បានថ្លែងប្រាប់សារព័ត៌មាន Reuter កាលពីថ្ងៃសុក្រកន្លងទៅដែរថា គណៈប្រតិភូអាមេរិកនឹងដាក់សម្ពាធក្រុមតាលីបង់ដើម្បីដោះលែងពលរដ្ឋអាមេរិកម្នាក់គឺលោក Mark Frerichs ដែលកំពុងស្ថិតក្នុងការចាប់ជំរិត។ 

បញ្ហាជាអាទិភាពមួយទៀតនៃកិច្ចពិភាក្សានេះ ក៏ផ្តោតសំខាន់ទៅលើការប្រកាន់ខ្ជាប់នូវការប្តេជ្ញាចិត្តរបស់ក្រុមតាលីបង់ ដែលដាច់ខាតមិនអនុញ្ញាតឱ្យប្រទេសអាហ្វហ្គានីស្ថានក្លាយជាចំណុចស្នូល ឬជាទីជំរករបស់ក្រុមភេរវកម្មអាល់កៃដា ឬបណ្តាពពួកជ្រុលនិយមផ្សេងទៀតសម្រាប់ធ្វើសកម្មភាពប្រតិបត្តិការរបស់ខ្លួនឡើយ។ គួរបញ្ជាក់ថា ក្រុមសកម្មប្រយុទ្ធតាលីបង់បានដឹកនាំ និងកាន់កាប់រដ្ឋាភិបាលអាហ្វហ្គានីស្ថានសាជាថ្មីម្តងទៀត ក្រោយត្រូវបានផ្តួលរំលំដោយកងទ័ពសហរដ្ឋអាមេរិកនៅឆ្នាំ២០០១ ក្នុងគោលបំណងកម្ទេចមេខ្លោងភេរវកម្ម Osama bin Laden ដែលបានវាយប្រហារទ្រង់ទ្រាយធំនៅសហរដ្ឋអាមេរិក៕




ព័ត៌មានជាច្រើនទៀតសម្រាប់អ្នក